Nosy Mitsio é un lugar dos que quedan poucos no mundo, deses dos que nada conta a Wikipedia máis alá de datos xeográficos. Vivir na illa durante seis días foi para min toda unha experiencia vital.
Amencía en Nosy Be moi cedo; coa mesa posta para o almorzo, comezaba a vida diaria.
Marchamos para Mitsio e, cando chegamos, a nosa lancha de pesca xa estaba preparada para partir.
Todos deberamos ter un lugar como Mitsio, ao que poder fuxir cando o precisásemos.
Pola mañá mentres almorzaba, observaba como sacaban o gando á praia…
Amencía moi cedo e pronto embarcabamos para pescar, pero antes de saír as mulleres xa estaban na praia pescando coas súas redes.
Dúas mulleres levan unha rede e o resto vai facendo ruído na auga, fan un círculo e vano cerrando en torno as que levan o aparello para atraer o peixe cara á rede.
Mentres, os nenos na praia xogan e van facendo furados na area nos que gardan os peixes para que non os quieme o sol.
Como despedida déixovos esta foto do animal que máis me chamou a atención. É unha raposa voadora xigante, unha espectacular especie de morcego de impresionante voo. Xunto ao resto dos seus colegas (uns centos), cando ía caendo a noite deleitábanos co seu festín de froita coas súas pelexas.
Os días aquí pasan voando sen facer nada… ou todo!
Aínda que non sexades afeccionados á pesca, é totalmente recomendable. Este lugar non sae nas guías: Mitsio Tropical Lodge, un lugar onde a maior comodidade é a mental.
Fotos de: Hür Mol, Jose Martínez y Miguel Blanco
Deixar unha resposta